Kuch samjh nahi aa rha

samjh nahi aata kya kahun,

baat darasal ye hai ki na toh mujh par koi pahar tut pada hai na hi pairo tale zameen khiski hai.
jab sochti hun, aur ye silsila rukta kahan hai, ye ehsas hota hai ki mera dukh kitna kam hai. kuch log hai jo chain ki nind toh nahi par thak har kar soye the, aur gadi un thake hue sariyo ko kuchal kar nikal gyi.. jaise unki sarir ki thaakaan ke saath sath zindagi ki thaakan bhi mita diya ho… ab kya hi karte, unhe kahan pata tha ki kaal sar par aa khada hai aur ek bar jo ankhen band karenge toh kabhi khul hi nahi payengi… shayad isi liye har pal ke liye bhagwan ko sukhr ada karne ko kehte hai.. agle hi pal kya ho jaye kahan kisi ko pata hai.

ek aur vo roti padi hai, chapal pade hai, un par thoda camera le jaye keh kar vo news anchor apna dukh vakth kar rhi hai, samjh nahi aata ki kya sach may dukh ho rha ya khilli uda rhi, ki bhai kisne kaha tha patri par sone ko, acha haan jab koi dukhad khabar aaye toh haule se apni awaaz niche kare aur aise khabar bataye jisse pata chale ki aapko dukh hua hai, par haan trp ka khyal rakhen, ajeebo garib sawal karna na bhule, viewers ke dil ko chuna na bhule.

khud ka mai kya dard manaun, ki ek aur adhe pade kaam rakhe hai jinhe pura karne ki bilkul bhi iccha nahi ho rhi, mansik santulan bigda hua hai ya us behn ko samjhaun jo thak haar kar bas ab quit karna chhti hai. Un labourers ko cover karu ek content mil jayega, views badh jayenge ya papa pe baat baat par kam chilaaun, kuch samjh nah iaata. sach hi kehte hai, dusro ko samjhane k waqt samjhdaari na jaane kahan se aa jati hai aur khud k waqt vo naa jane kahan chip jaati hai.

ajeeb hi silsila chal pada hai, bura waqt khtam hi nahi ho rha, khud ke sath sath do logo ko sarth pareshan kiye jaaa rhi hun. maa aur baap. kehne ko toh vo hamesha sath dete hai par mujhe toh pata hai na vo khush nahi, hamme aise dekh kar unka sir garv se ucha nahi uth raha hai, vo toh kabhi bas yahi kaha karte the ymeri bitiya mera sir garv se ucha karegi, ab aisi baat kabhi sunne ko nahi milti. agar mil bhi jaye toh khud may sharm aati hai, aur sirf pachtava hota hai. kuch samjh nahi aata. kisse kya kahu, kahu bhi ya nahi, kehne bolne se hoag bhi kya..kuch badal toh nhi jayega.

Kabhi kabhi toh aia lagta hai jaise kahin mai bipolar toh nah, pal may sola pal may tasha wali mood swings aur sarir may badhtey harmones ki prabhav ko dekh kar jab irritation hotahai, toh bas frustration level aur badh jata hai, jkab apni hi maa ko asanthust, apne jivan se pareshan haari si dekhti hun toh frustration level high ho jata hai, jab log mazak ko mazak nahi samjhte tab frustration level high ho jata hai.. ye kyun hota hai kuch samjh nah iaata… bhai ye uski zindagi hai, vo jo chahe kare, mujhe kya, mujhse kya?

aur ab bas bht ho gya . yun roz roz ke rone dhone se mera bhi mann bhar gya. lekin mann har jaane se sapne toh purey nahi ho jaate, sacchai badal nahi jaati, khoya waqt laut toh nahi aata.. in lafzo ka hi sahara hai par in lafzo se hoga kya, na mann ko shanti mil rhi hai na badlaav aa rhe hai, khud may, aur ass pass.. bas ab bhot hua.. kuch samjh nahi aa rha….

About the author

RUPA

Hi! I am an aspiring blogger, lazy in person, dreamer and confused about life in general.

View all posts

4 Comments

Leave a Reply

Your email address will not be published. Required fields are marked *